I fyrste del av denne todelte konserten vert det seljefløyte og vokal i den rike overleveringa etter Eivind Groven: slåttestubbar, balladar, religiøse folketonar, lalingar og meir – instrumentalt og vokalt. Silje Hegg og dotterdottera hans, Øyonn Groven Myhren, formidlar smakebitar frå den mangfaldig og særmerkt tradisjonen som har levd gjennom generasjonar. Det blir høgtideleg og leikande, nært og det leikande i Groven-tradisjonen. Silje Hegg - seljefløyte Øyonn Groven Myhren - kveding Del to av kvelden er vigd dansespel frå Telemark i Groventradisjon. Stein Versto, Alf Tveit og Lars Underdal er alle tre særs røynde spelemenn med inngåande kunnskap og kjennskap til slåttematerialet av og etter Eivind og broren Olav Groven. Slåttematerialet etter brørne er både eigne komposisjonar og utbygde former av tradisjonelle slåttar, noko Stein Versto har gjeve oss prov på med plata " Urjen - slåttar etter Olav og Eivind Groven " frå 2011. Materialet frå den utgjevinga og meir til vil me som publikum og dansarar vil nyte godt av i form av eggande, lyriske og nyskapande springarar og gangarar utover kvelden, og det på sjølve dagen Eivind Groven hadde fylt 125 år! Vel møtt! Stein Versto - hardingfele Alf Tveit - hardingfele Lars Underdal - hardingfele Tags: riksscenen, folkpåtorsdag